Hryllingur!!!

Þetta er alveg ótrúlegt!!! Virðast vera tómir villimenn þarna á þingi. Ekki skil ég að Sameinuðu Þjóðirnar skuli ekki taka á svona grófum mannréttinda-
brotum og beita svona ríki refsiaðgerðum. Fyrir nokkrum árum las ég bókina Eyðimerkurblómið og þar er hryllingnum lýst í smáatriðum. Maður fylltist þvílíkri reiði sem sjaldan áður. Bókin er skrifuð af Waris Dirie frá Sómalíu og var hún aðeins ein fjölmargra fórnarlamba þessa glæps sem umskurður kvenna er. Að lokum vil ég leggja til, að hafi Ísland á annað borð stjórnmálasamband við eitthvert ríki sem lögleyfir umskurð, að slíkt samband verði rofið þar til umskurður þar verði bannaður með lögum.

Giftingar barna bannaðar en umskurn kvenna leyfð

Athugasemdir

[G. H. (IP-tala skráð) 9.6.2007 kl. 16:13]

Ehm, vandamálið er ekki þingið. Þeir gætu sett lög á morgun um að allir ættu að eiga mat eða að tveir plús tveir væru fjórir en þau myndu hafa nákvæmlega sömu áhrif - engin.

Það er skálmöld í landinu og það hefur verið gjörsamlega stjórnlaust átakasvæði
algerlega án löggæslu áratugum saman. Þeir gætu svosem sett einhverja stafi
í bók um að þetta megi ekki en það myndi ekki hafa nein áhrif frekar en
önnur "lög" sem er verið að rita í bækur þarna.

Vandamálið er að vesturlöndum virðist vera alveg sama þó að heilu ríkin og
jafnvel heimsálfurnar losni upp í óstjórn. Þetta er bara eitt af því sem
fylgir slíku ástandi, og þó slæmt sé frá því að segja alveg örugglega ekki
það versta.

 Mér finnst jákvætt að fólki skuli láta ástandið þarna sig varða en finnst frekar sjokkerandi að sjá að langflestir líta á þetta sem feministamál frekar en afleiðingar rasisma, nýlendustefnu og óstjórnar. Það er ekki hægt að vera að pirra sig á lagabókum langt úti í heimi ef maður er ekki tilbúinn til að gera neitt til að berjast fyrir því að það séu einhverjir lögreglumenn úti á götu til að fylgja lögunum eftir.

Þú getur rétt ímyndað þér hvað annað viðgengst þarna hreinlega af því að enginn er í aðstöðu til að gera neitt nema forða sjálfum sér þegar best lætur. Ég átti kunningja sem ólst upp þarna og sögurnar sem hann hefur að segja af daglegu lífi þarna láta mig hafa meiri áhyggjur af landinu en einhverjum veruleikafyrrtum karlrembubjánum sem kalla sig þing en hafa engin áhrif á neitt sem gerist utan þinghússins. 

[Svartinaggur, 9.6.2007 kl. 19:49]

 

Mér gildir það einu hvort lög hafi áhrif eða ekki, í sambandi við hvort þau skuli sett gegn glæpum. Þingið er kannski ekki vandamálið, en það er lágmark að lögin endurspegli vilja þess og þau skuli sett gegn misþyrmingum sama hverjar þær eru. Til hvers var þá yfirhöfuð verið að setja lög gegn giftingum barna?

Skálmöldin er svo annað vandamál sem því miður virðist ókleift að eiga við.

[Guðsteinn Haukur Barkarson, 18.6.2007 kl. 19:39]

Sammála þér Svartinaggur, svona lagað á ekki að eiga sér stað !!