Íhaldið siglir lygnan sjó.

Það virðist sama hvað aðrir flokkar, gamlir sem nýir, reyna að klekkja á íhaldinu - að skotin hrökkva af eins og af vígstirninu í Star Wars, sem púðurskot væru. Þessi baráttuaðferð er fyrir löngu gengin sér til húðar og það sáu þeir strax sem vildu eyða vígstirninu; að sprengjan þurfti að springa INNAN FRÁ.

Ekki er ég nú að mælast til að komið sé fyrir sprengju í Valhöll, nema þá kannski í óeiginlegri merkingu. Hvernig væri nú að þessir óánægðu, hvort heldur er íhaldsmenn eða andstæðingar; einfaldlega fjölmenntu í flokkinn, gerðust virkir og freistuðu þess að komast í brúna og breyta stefnunni þaðan? Ég held að þessi hugmynd um hallarbyltingu geti varla verið neitt vitlausari en þær aðferðir sem þegar hafa verið reyndar. Í gegnum tíðina hefur Íhaldið siglt lygnan sjó með 35-40% fylgi á þingi.

Þannig að If You Can't Beat Them, Then Join Them.

Sjálfstæðisflokkur bætir við sig þingmanni í Reykjavík suður

Athugasemdir

[Margrét St Hafsteinsdóttir, 21.4.2007 kl. 21:41]

Já kannski við ættum bara öll að sameinast um sjálfstæðisflokkinn og breyta stefnu hans. Ekkert svo vitlaus hugmynd kannski

Takk fyrir innleggin hjá mér. Vinur okkar "Kirkjufræðingurinn"  er enn að. Held hann sé kominn með mig á heilann. Hefur ekki skrifað athugasemdir við pistilinn minn "Að skemmta skrattanum" held hann þori því ekki. Af því hann veit að ég er búin að sjá út hver heldur í skottið á honum hahahaha

Sjáumst

[Guðsteinn Haukur Barkarson, 23.4.2007 kl. 15:02]

Skemmtileg pæling hjá þér Svartinaggur, hver veit nema þessi hugmynd þín virki bara. 

En hver er þessi "kirkjufræðingur" ykkar?

[Svartinaggur, 23.4.2007 kl. 17:09]

"Kirkjufræðinginn" geturðu fundið í athugasemd sem ég gerði þann 20.4.2007 kl. 15:57 við pistil Margrétar "Sagði bless við Þjóðkirkjuna". Þar er hún búin að eiga í ansi "skemmtilegum" orðaskiptum við guðfræðing nokkurn.

Gaman annars að þið skylduð líta inn og skilja eftir ykkar athugasemdir. Til þess er ma'r víst að viðra hugmyndirnar hérna. Gerum alla að Íhaldsdelum

[Margrét St Hafsteinsdóttir, 28.4.2007 kl. 00:19]

Hæ hæ. Var á síðunni hans Guðsteins og sá skrif þín þar. Langaði að benda þér á að það vers sem er alltaf verið að tíunda úr Rómverjabréfi Páls postula er allt slitið úr samhengi. Páll postuli var kristinboði. Þessi bréf sem hann sendi til hinna ýmsu staða gerði hann til að boða kristna trú. Hann talaði út frá fortíðinni og til hans eigin daga. Hvað mætti betur fara hjá þeim sem hann var að reyna að kristna. Hann talaði ekki til okkar 2000 árum síðar. Í Rómarbréfinu setti hann út á saurlifnað hverskonar og hugarfar þess tíma. Í Rómarveldi var víst ansi mikil spilling eins og sagan segir. Ef þú átt ekki biblíuna geturðu flett upp Nýja testamentinu á leit.is sem dæmi.  Ferð þar í Rómverjabréfið og lest allavega 1 og 2 kafla og segðu  mér svo hvort þú ert ekki sammála mér  Engin biblíumanneskja en ákvað að fara að skoða þetta. Langt síðan ég las biblíuna. Ef þú nennir væri gaman að heyra hvað þér finnst og svo ertu kannski búinn að lesa þetta.  Allavega C.U.

[Margrét St Hafsteinsdóttir, 28.4.2007 kl. 00:28]

Ekki alveg búin. Verður nóg að lesa fyrir þig  segi ég og ákveð að þú hafir áhuga, frekjan ég.

Síðan er önnur ritning sem fer voðalega fyrir brjóstið á "trúuðum" varðandi samkynhneigða og hana er að finna í 3. Mosebók, GT......... hvað skrifuð fyrir 4-6000 árum ekki alveg viss með það en svona er hún

22Eigi skalt þú leggjast með karlmanni sem kona væri. Það er viðurstyggð.

Leggjast með karlmanni sem kona væri? Hvað tengist þetta samkynhneigð? Út af þessari ritningu eru lætin líka

Síðan stendur líka í 3.Mosebók:

9Hver sá, sem bölvar föður sínum eða móður sinni, skal líflátinn verða. Föður sínum eða móður sinni hefir hann bölvað, blóðsök hvílir á honum.

Og enn meira úr 3. Mosebók:

10Þá er einhver drýgir hór með konu annars manns, drýgir hór með konu náunga síns, þá skal líflátinn verða bæði hórkarlinn og hórkonan. 11Og leggist maður með konu föður síns, þá hefir hann berað blygðan föður síns. Þau skulu bæði líflátin verða, blóðsök hvílir á þeim. 12Og leggist maður með tengdadóttur sinni, þá skulu þau bæði líflátin verða. Svívirðing hafa þau framið, blóðsök hvílir á þeim. 13Og leggist maður með karlmanni sem kona væri, þá fremja þeir báðir viðurstyggð. Þeir skulu líflátnir verða, blóðsök hvílir á þeim. 14Og taki maður bæði konu og móður hennar, þá er það óhæfa. Skal brenna hann í eldi ásamt þeim, svo að eigi gangist við óhæfa meðal yðar. 15Og eigi maður samlag við skepnu, þá skal hann líflátinn verða, og skepnuna skuluð þér drepa. 16Og ef kona kemur nærri einhverri skepnu til samræðis við hana, þá skalt þú deyða konuna og skepnuna. Þau skulu líflátin verða, blóðsök hvílir á þeim.

Ekki skrítið að fólk hafi verið stráfellt af þeim sem héldu sig við bókstafinn. Þvílíkt og annað eins.

Jæja, heyri frá þér við tækifæri. Knús til þín

[Margrét St Hafsteinsdóttir, 3.5.2007 kl. 01:19]

Hva!! á ekkert að fara að blogga?

[Svartinaggur, 3.5.2007 kl. 18:11]

Blogga? Ég kemst eiginlega ekkert í það. Það fer nánast allur tíminn minn í að hnýta í þá sem eru með leiðindi við þig.