Var ekki löngu búið að þessu?

Ég hélt í fávisku minni að bragginn hefði verið endurlífgaður fyrir löngu. Að minnsta kosti hefur mér alltaf fundist bíllinn hægra megin hálf-braggalegur, þótt hann hafi nú braggast eitthvað síðan gamli bragginn kom á sínum tíma.

Citroën 2CV endurlífgaður

Íhaldið siglir lygnan sjó.

Það virðist sama hvað aðrir flokkar, gamlir sem nýir, reyna að klekkja á íhaldinu - að skotin hrökkva af eins og af vígstirninu í Star Wars, sem púðurskot væru. Þessi baráttuaðferð er fyrir löngu gengin sér til húðar og það sáu þeir strax sem vildu eyða vígstirninu; að sprengjan þurfti að springa INNAN FRÁ.

Ekki er ég nú að mælast til að komið sé fyrir sprengju í Valhöll, nema þá kannski í óeiginlegri merkingu. Hvernig væri nú að þessir óánægðu, hvort heldur er íhaldsmenn eða andstæðingar; einfaldlega fjölmenntu í flokkinn, gerðust virkir og freistuðu þess að komast í brúna og breyta stefnunni þaðan? Ég held að þessi hugmynd um hallarbyltingu geti varla verið neitt vitlausari en þær aðferðir sem þegar hafa verið reyndar. Í gegnum tíðina hefur Íhaldið siglt lygnan sjó með 35-40% fylgi á þingi.

Þannig að If You Can't Beat Them, Then Join Them.

Sjálfstæðisflokkur bætir við sig þingmanni í Reykjavík suður

Blair öfundar?

Það hlýtur að hafa verið sannkallað spaug hjá Blair. Frekar myndi ég fara nokkrum sinnum í ræktina, en að öfundast út í atgervi það sem sjá má hér á myndinni.

Arnold Schwarzenegger mun ávarpa landsfund breska Íhaldsflokksins

New Kid in Town

Jæja kæru (verðandi) bloggvinir, þá er ma'r búinn að ryðja sér pláss til að láta hlutina flakka. Þetta kom svona sem hálfgerð skyndihugdetta eftir að vera búinn að lesa skrif ýmissa aðila hér. Það verður svo bara að koma í ljós hvort það verði einhver mynd á þessu (í versta falli ómynd).